ខ្ញុំបាទឈ្មោះហែមសុខជាចាងហ្វាងការផ្សាយគេហទំព័ររស្មីស្វាយរៀងបានចូលរួមបើកវគ្គបណ្តុះបណ្តាលអំពីវិធីសាស្ត្របង្កើត អាជីវកម្មសម័យឌីជីថលរបស់ក្រុមហ៊ុន (RF3 World Cambodia) នៅខេត្តស្វាយរៀង។

ការធ្វើអាជីវកម្មសម័យឌីជីថល កំពុងពេញនិយម យ៉ាងខ្លាំងនៅក្នុងនិងក្រៅប្រទេសកម្ពុជា ជាពិសេស គឺការធ្វើពាណិជ្ជកម្ម  នៅលើបណ្តាញ អិនធឺណេត ។

ដោយមើលពីសក្កានុពលនេះ ហើយទើបក្រុមហ៊ុនទីផ្សារបណ្តាញដ៏ធំមួយនៅកម្ពុជា គឺក្រុមហ៊ុន RF3 World Cambodia Co.,Ltd បានបើកវគ្គបណ្តុះ បណ្តាលជាបន្តបន្ទាប់  ដើម្បីចែករំលែកចំនេះ ដឹងដែលទាក់ទងនិង networkទាំងនេះ ទៅសមាជិករបស់ខ្លួន។

ជាក់ស្តែងនៅរយៈពេលនារសៀលថ្ងៃនេះ ក្រុមហ៊ុនបានរៀបចំវគ្គ បណ្តុះបណ្តាលមួយនៅសាលប្រជុំឆ្នេរទន្លេនៃទីរួមខេត្តស្វាយរៀង ។

កម្មវិធីបណ្តុះបណ្តាលនេះបានធ្វើឡើងក្រោមអធិបតីភាព លោកអគ្គនាយក វណ្ណ សុភានោ និងលោកស្រី អគ្គនាយិការ ផាន់ណារ៉ា និងថ្នាក់ដឹកនាំក្រុមហ៊ុនជាច្រើននាក់ទៀត។

សិក្ខាកាមដែលចូលរួមទទួលបាន ចំនេះដឹងយ៉ាងច្រើនពីការប្រើប្រាស់ផលិតផល និងយល់ដឹងពីការសាងក្រុម ការទទួលបានប្រាក់ចំនេញនិងមេរៀន ធ្វើអោយជិវិតជោគជ័យ រួមនឹងចំនេះដឹងផ្សេងៗទៀត ផងដែរ ដែលមានប្រយោជន៍សំរាប់សមាជិកគ្រួសារ RF3 ទាំងអស់ យកទៅប្រើប្រាស់អោយបានត្រឹមត្រូវ ដើម្បី ទទួលជោគជ័យបន្ថែមទៀត ក្នុងទីផ្សារបណ្តាញ។

លោក វណ្ណ សុភានោ អគ្គនាយក ក្រុមហ៊ុន RF3 World Cambodia នៅក្នុងការសំនេះសំណាល ជាមួយសិក្ខាកាម បានណែនាំអោយពួកគាត់ទាំងអស់យកចិត្តទុកដាក់រៀនសូត្រ ដើម្បីយកចំនេះជំនាញទាំងនេះទៅប្រើប្រាស់អោយចំគោលដៅ និងដើម្បីបង្កើនជីវភាពរបស់ខ្លួនអោយកាន់តែប្រសើរឡើងថែមទៀតផង…។