លោក ជា ភាជបើកកាស៊ីណូហេរ៉ូ777របស់លោក ជា ភាជក្បែរច្រកបន្ទាយចក្រីគ្មានអាជ្ញាប័ណ្ណលោក ជា សុមេធី និងស្នងការនគរបាលខេត្តព្រៃវែង លោក ព្រុំ សន្ធរ កំពុងរក្សាភាពស្ងប់ស្ងាត់?
ប្រភពដែលស្និទ្ធនឹងម្ចាស់កាស៊ីណូហេរ៉ូ 777 បានឲ្យដឹងថា ម្ចាស់កាស៊ីណូនេះ អាងមានខ្នងបង្អែក រឹងមាំទើប ហ៊ានធ្វើអ្វីៗ ស្រេចតែអំពើចិត្តរបស់ខ្លួន ជាពិសេសបើកល្បែងបញ្ជល់មាន់ ហើយអនុញ្ញាតឲ្យពលរដ្ឋខ្មែរចូ លលេងយ៉ាងគគ្រឹ កគ គ្រេងចាប់តាំងពីអំឡុងខែធ្នូ ឆ្នាំ២០១៨ រហូតដល់បច្ចុប្បន្ន។
ប្រសិនបើម្ចាស់កាស៊ីណូហេរ៉ូ 777 គ្មានខ្នង បង្អែករឹងមាំទេនោះ គឺគេមិនហ៊ានបើកលេងល្បែងស៊ីសងដោយមិនទាន់មានអាជ្ញាប័ណ្ណពីក្រសួងពាក់ព័ន្ធបែបនេះឡើយ ហើយអភិបាលខេត្តព្រៃវែង លោក ជា សុមេធី និងស្នងការនគរបាលខេត្តព្រៃវែង លោក ព្រុំ សន្ធរ កំពុងរក្សាភាពស្ងប់ស្ងាត់។ ប្រភពពីប្រជាពលរដ្ឋក្នុងឃុំបន្ទាយចក្រី ស្រុកព្រះស្ដេច ខេត្តព្រៃវែង បានលើកឡើងថា ចាប់តាំងពីកាស៊ីណូហេរ៉ូ777 បើកដំណើរការដោយគ្មានអាជ្ញាប័ណ្ណ គឺបទល្មើសផ្សេងៗក្នុងមូលដ្ឋានពួកគាត់កំពុងកើតឡើងគួរឲ្យភ័យខ្លាច ជាពិសេសអំពើចោរកម្ម ហេតុនេះលោក ព្រុំ សន្ធរ ស្នងការនគរបាលខេត្តព្រៃវែង គួរចាត់វិធានការទប់ស្កាត់ជាបន្ទាន់ដើម្បីឲ្យស្របទៅតាមគោលនយោបាយភូមិ-ឃុំ មានសុវត្ថិភាពទាំង៩ចំណុច។
ប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងស្រុកព្រះស្ដេច ខេត្តព្រៃវែង បានឲ្យដឹងថា ល្បែងស៊ីសងច្រើនប្រភេទកំពុងបើកលេងយ៉ាងគគ្រឹកគគ្រេងនៅក្នុងកាស៊ីណូហេរ៉ូ777 របស់លោក ជា ភាជ ក្បែរច្រកបន្ទាយចក្រី ស្រុកព្រះស្ដេច ខេត្តព្រៃវែង បើទោះបីមិនទាន់ទទួលបានអាជ្ញាប័ណ្ណក៏ដោយ។
ប្រភពបានឲ្យដឹងទៀតថាកាស៊ីណូហេរ៉ូ777 ស្ថិតនៅក្នុងភូមិកគោ ភូមិបន្ទាយចក្រី ស្រុកព្រះស្ដេច បានបើកលេងល្បែងស៊ីសងជាង៥ខែមកហើយ ទោះបីមិនទាន់មានអាជ្ញាប័ណ្ណអនុញ្ញាតពីក្រសួងសេដ្ឋកិច្ចនិងហិរញ្ញវត្ថុយ៉ាងណាក៏ដោយ។ ដូច្នេះហើយទើបមានសេចក្ដីអំពាវនាវឲ្យលោក ជា សុមេធី អភិបាលខេត្តព្រៃវែង និងលោក ព្រុំ សន្ធរ ស្នងការនគរបាលខេត្តព្រៃវែង ពិនិត្យឡើងវិញជាបន្ទាន់ដើម្បីកុំឲ្យលោក ជា ភាជ ម្ចាស់កាស៊ីណូហេរ៉ូ777 ធ្វើអ្វីៗស្រេចតែអំពើចិត្តរបស់ខ្លួនបន្តទៀត។
ប្រភពពីសមត្ថកិច្ចមូលដ្ឋានក្នុងស្រុកព្រះស្ដេច បានបង្ហើបឲ្យដឹងថា លោក ជា ភាជ មានត្រឹម ស.ជ.ណ ពីទីស្ដីការគណៈរដ្ឋមន្ត្រី សម្រាប់សាងសង់មជ្ឈមណ្ណលកម្សាន្តភោជនីយដ្ឋានសណ្ឋាគារ ក្លឹបម៉ាស្សា និងកន្លែងភ្នាល់ល្បែងប៉ុណ្ណោះ។ ប៉ុន្តែជាក់ស្ដែងនៅក្នុងកាស៊ីណូហេរ៉ូ777 មានល្បែងស៊ីសងច្រើនប្រភេទកំពុងដំណើរការយ៉ាងរលូន បើទោះបីមិនទាន់ទទួលបានអាជ្ញាប័ណ្ណពីក្រសួងសេដ្ឋកិច្ចនិងហិរញ្ញវត្ថុយ៉ាងណាក៏ដោយ។
លើសនេះទៅទៀតនៅក្នុងកាស៊ីណូហេរ៉ូ777 មានល្បែងបញ្ជល់មាន់យ៉ាងពេញបន្ទុក ហើយម្ចាស់កាស៊ីណូបើកដៃឲ្យពលរដ្ឋខ្មែរចូលលេងស្រេចតែអំពើចិត្ត ដូច្នេះលោក ព្រុំ សន្ធរ ស្នងការនគរបាលខេត្តព្រៃវែង មិនគួរបណ្ដែតបណ្ដោយតទៅទៀតទេ។