ល្បែងបញ្ជាល់មាន់ដុះស្លែបង្កប់ក្នុងកាស៊ីណូដាយអឹមិនស្គូន បើកឲ្យពលរដ្ឋខ្មែរ និងជនជាតិ វៀតណាម លំហូរចូលលេងល្បែងស៊ីសង ខុសច្បាប់យ៉ាងពេញបន្ទុករាល់ថ្ងៃ ខ្លះមានប៉ាស្ព័រ ខ្លះអត់ប៉ាស្ព័រ !
(កណ្ដាល)÷ប្រភពពីប្រជាពលរដ្ឋ រស់នៅជាប់ខ្សែបន្ទាត់ព្រំដែន ភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល បានបញ្ជាក់ឲ្យដឹងថា ម្ចាស់កាស៊ីណូ ដាយអឹមិនស្គូនកំពុងបន្តបើកឲ្យពលរដ្ឋខ្មែរ និងជនជាតិវៀតណាម ចូលលេងល្បែងចាក់លុយភ្នាល់ស៊ីសងខុសច្បាប់ ច្រើនប្រភេទ យ៉ាងគគ្រឹកគគ្រេងជារៀងរាល់ថ្ងៃយ៉ាងគំហុក ដូចជា ល្បែងបញ្ជល់មាន់ បៀ អាប៉ោង និងយូគី រីឯលោក មេ ប៉ុស្តិ៍នគរបាលច្រកព្រំដែនក្អមសំណ មិនហ៊ានប៉ះពាល់នោះទេ។
ទោះបីរាជរដ្ឋាភិបាលកម្ពុជាកន្លងមកណែនាំចូលរួមទប់ស្កាត់ឲ្យបិទល្បែងភ្នាល់ចាក់លុយសុីសងខុសច្បាប់គ្រប់ប្រភេទ បែរម្ចាស់កាស៊ីណូដាយអឹមិនស្គូន និងអាជ្ញាធរពាក់ព័ន្ធឲ្យមានល្បែងបញ្ជាល់មាន់ ក្នុងដែនដីរបស់ខ្លួនទៅវិញ។
តាមការបង្ហើបពីអ្នកធ្លាប់ចូលទៅលេង ក្នុងកាស៊ីណូ ដាយអឹមិនស្គូនបានឲ្យដឹងថា ម្ចាស់កាស៊ីណូមួយនេះ មានខ្នងបង្អែកនៅពីក្រោយ ទើបអាចបើកល្បែងបញ្ជល់មាន់ បៀ អាប៉ោង យូគី ហើយកៀងគរពលរដ្ឋខ្មែរ ឲ្យចូលលេងល្បែងយ៉ាងពពាក់ពពូន មិនទាន់មានការទប់ស្កាត់។
ប្រភពនេះបានបង្ហើបឲ្យដឹងថា មានការបេីកភ្លើងខៀវពីមន្ត្រីអាជ្ញាធរ ពាក់ព័ន្ធ
ផងដែរ ទើបម្ចាស់កាស៊ីណូដាយអឹមិនស្គូន ហ៊ានបើកឲ្យពលរដ្ឋខ្មែរ ចូលលេងល្បែងបញ្ជាល់មាន់ស៊ីសងខុសច្បាប់តាមអំពើចិត្ត ហើយម្ចាស់កាស៊ីណូ ប្រមូលលុយបានយ៉ាងច្រើនសន្ធឹកសន្ធាប់ក្នុងមួយថ្ងៃៗ។
ប្រជាពលរដ្ឋ រស់នៅ ក្នុងភូមិក្អមសំណ ឃុំក្អមសំណ ស្រុកលេីកដែក អំពាវនាវដល់ថ្នាក់ដឹកនាំក្រសួងមហាផ្ទៃ និង លោក គួច ចំរើន អភិបាលខេត្តកណ្តាល ព្រមទាំង លោក ឈឿន សុចិត្រ ស្នងការដ្ឋាននគរបាលខេត្តកណ្តាល មេត្តាចាត់មន្ត្រីក្រោមឱវាទ ចុះមកត្រួតពិនិត្យភាពមិនប្រក្រត្រី ម្ចាស់កាស៊ីណូ ដាយអឹមិនស្គូននិងបក្សពួកអ្នកញៀនល្បែងបញ្ជាល់មាន់ មានវិធានការបង្ក្រាប ជាបន្ទាន់ ដេីម្បីបង្រឹងសន្តិសុខសង្គមសណ្ដាប់ធ្នាប់
ជូនពលរដ្ឋ ក្នុងមូលដ្ឋានឱ្យស្របតាមគោលនយោបាយភូមិឃុំសង្កាត់មានសុវត្ថិភាពមានលក្ខណៈសម្បត្តិ 7 យ៉ាង៕
