ស្វាយរៀង៖លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ នៅព្រឹកថ្ងៃទី ១៧ ខែ មីនា ឆ្នាំ ២០២៥ វេលាម៉ោង ០៨និង១៥នាទី នៅសាលប្រជុំ អធិការដ្ឋាននគរបាលស្រុកស្វាយជ្រំ បានរៀបចំកិច្ចប្រជុំបូកសរុបសភាពការណ៍ ការងារការពារសន្តិសុខសណ្តាប់ធ្នាប់សង្គមប្រចាំត្រីមាសទី១ ឆ្នាំ២០២៥ និងបូកសរុបសភាពការណ៍ ការងារការពារសន្តិសុខសណ្តាប់ធ្នាប់សង្គមប្រចាំ ខែ មីនា និងទិសដៅអនុវត្តបន្តប្រចាំ ខែ មេសា ឆ្នាំ២០២៥ ។
ដោយមានការអញ្ជើញចូលរួមពី៖លោក លោកស្រី អធិការរង,លោក នាយផ្នែក,លោក លោកស្រី នាយរងផ្នែក,លោក នាយ នាយរងប៉ុស្តិ៍នគរបាលរដ្ឋបាលទាំង១៦ប៉ុស្តិ៍ សរុបវត្តមាន ៣៨ នាក់ ស្រី ៥ នាក់ ។

ឆ្លៀតនៅក្នុងឱកាសនោះដែរលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំក៏បានណែនាំដល់កងកម្លាំង ត្រូវ បង្កើនការអនុវត្តច្បាប់ សំដៅបង្ការ ទប់ស្កាត់ បទល្មើស លួច ឆក់ ប្លន់ ក្មេងទំនើង ល្បែងស៊ីសង និងបង្ក្រាបទាន់ពេលវេលា និងមានប្រសិទ្ធភាពខ្ពស់ ,បទល្មើសគ្រឿងញៀន ត្រូវបង្ក្រាបដូចភ្លៀងរលឹម,ចរាចរណ៍ផ្លូវគោក ត្រូវរឹងបន្តឹងការអនុវត្តច្បាប់ចរាចរណ៍ផ្លូវគោកតាមគោលការណ៍ , ពង្រឹងការគ្រប់គ្រងវត្តមានជនបរទេស ដែលស្នាក់នៅក្នុងមូលដ្ឋាន ,បង្កើនការផ្សព្វផ្សាយគោលនយោបាយ «ភូមិ-ឃុំ-សង្កាត់មានសុវត្ថិភាព» តាមវេទិកាសាធារណៈដល់មហាជន គ្រប់ស្រទាប់វណ្ណៈ ដើម្បីលើកកម្ពស់ ការយល់ដឹង និងចូលរួមអនុវត្ត ឲ្យមានលទ្ធផលល្អប្រសើរ និង បង្កើនការល្បាត ផ្លាស់ប្តូវេនប្រចាំការ តាមគោលដៅងាយរងគ្រោះ តាមមូលដ្ឋាន ភូមិ-ឃុំ-សង្កាត់ដែលខ្លួនទទួលត្រូវ៕