នៅថ្ងៃចន្ទ ៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមីនា ឆ្នាំ២០២៥ ឯកឧត្តម ម៉ែន អេង អភិបាលរងខេត្តស្វាយរៀង និងជាប្រធានកិត្តិយសសមាគមន៍សម្ព័ន្ធសារព័ត៌មានឯករាជ្យខេត្តតំណាងឯកឧត្តម​ ប៉េង​ ពោធិ៍សា​ អភិបាលខេត្ត​ បានអញ្ជើញជាធិបតីក្នុងពិធីក្នុងសំណេះសំណាល និងប្រកាសសមាសភាពថ្នាក់ដឹកនាំ សមាជិក សមាជិកាសមាគមសម្ព័ន្ធសារព័ត៌មានឯករាជ្យខេត្តស្វាយរៀង។

កិច្ចប្រជុំនេះមានការអញ្ជើញចូលរួមពី លោកប្រធានមន្ទីរព័ត៌មានខេត្ត, លោកប្រធានសមាគមន៍សារព័ត៌មានឯករាជ្យខេត្តស្វាយរៀង, ព្រះសង្ឃ​ លោក – លោកស្រីទីប្រឹក្សា ប្រធានកិត្តិយស ប្រធាន អនុប្រធាន សមាគមខេត្ត និងប្រធាន អនុប្រធាន លេខាធិការដ្ឋាន សមាគមខេត្ត
ទីប្រឹក្សា ប្រធានកិត្តិយស ប្រធាន អនុប្រធាន សមាជិក សមាជិកា ក្រុងស្រុកទាំងប្រាំបី នៃសមាគមសរុបប្រមាណ ១០០អង្គ/នាក់។