ទីតាំងល្បែងបញ្ជាល់មាន់ តាមអនឡាញ កំពុងបេីកលេងជារៀងរាល់ថ្ងៃ នៅក្នុងតារាងបាល់ទះ មួយកន្លែងនៅខាងលិចគល់ស្ពានផ្លូវល្បឿនលឿននៅក្នុងភូមិ ព្រៃជ្រេស ឃុំ អូរ ស្រុក ភ្នំស្រួច ខេត្ត កំពង់ស្ពឺ រីឯលោក អធិការនគរបាលស្រុកភ្នំស្រួច រក្សាភាពស្ងៀមស្ងាត់ !
(ខេត្តកំពង់ស្ពឺ )÷ ប្រភពពីប្រជាពលរដ្ឋដែលពួកគាត់រស់នៅក្នុងភូមិព្រៃជ្រេស
បានបញ្ជាក់ឲ្យអង្គភាពសារព័ត៌មានយើងខ្ញុំបានឲ្យដឹងថា ល្បែងបញ្ជល់មាន់ តាមអនឡាញមួយកន្លែង នេះកំពុងបេីកលេងនៅក្នុងតារាងបាល់ទះ មួយកន្លែងនៅខាងលិចគល់ស្ពានផ្លូវល្បឿនលឿននៅក្នុង ភូមិ ព្រៃជ្រេស ឃុំ អូរ ស្រុក ភ្នំស្រួច ខេត្ត កំពង់ស្ពឺ។
លេងយ៉ាងពេញបន្ទុក អ្នកចាញ់ឈានទៅដល់លក់ទ្រព្យសម្បត្តិរបស់ខ្លួនមានដូចជា ម៉ូតូ គោ ក្របី… បន្តយកទៅចាក់បន្ថែមទៀត អ្នកញៀនល្បែងទាំងក្មេងទាំងចាស់លេងយ៉ាងច្រេីនកុះករ បែរជាអាជ្ញាធរពាក់ពន្ធ័នៅក្នុងមូលដ្ឋានមិនមានចាត់វិធានការបង្រ្កាប ប្រហែលជាបុគ្គលបើកលេងល្បែងរូបនោះមានខ្នងបង្អែករឹងមាំនៅពីក្រោយហើយយ៉ាងមើលទៅ ទេីបហ៊ានបេីកលេងតាមអំពេីចិត្តបែបនេះ។
មជ្ឈដ្ឋានខាងក្រៅរិះគន់ ចំៗទៅលេី លោក មេប៉ុស្តិ៍នគរបាលរដ្ឋបាលឃុំអូរ
បណ្ដែតបណ្ដោយឲ្យមានលេងល្បែងបញ្ជល់មាន់តាមអនឡាញ ភ្នាល់ចាក់លុយលេងសុីសងខុសច្បាប់ បេីកលេងយ៉ាងពពាក់ពពូនបែបនេះនៅក្នុងភូមិព្រៃជ្រេសមិនទាន់ចាត់វិធានការបង្រ្កាប ឲ្យស្របតាមគោលនយោបាយ ភូមិឃុំ មានសុវត្ថិភាព ៧ចំណុច ដែលដាក់ចេញដោយក្រសួងមហាផ្ទៃនោះទេ។
បញ្ហានេះហើយសូម លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ មិនគួរមេីលរំលងភាពអសកម្ម របស់លោកមេប៉ុស្តិ៍នគរបាលរដ្ឋបាលឃុំអូរ ព្រមទាំង លោក អធិការដ្ឋាននគរបាលស្រុកភ្នំស្រួច បណ្ដែតបណ្ដោយឲ្យមានលេងល្បែងបញ្ជាល់មាន់ តាមអនឡាញរីកដូចផ្សិត ក្នុងដែនដីរបស់ខ្លួននេះឡើយ។
ប្រជាពលរដ្ឋ ដែលពួកគាត់រស់នៅក្នុង
ភូមិ ព្រៃជ្រេស ឃុំ អូរ បានអំពាវនាវទៅដល់ថ្នាក់ដឹកនាំក្រសួងមហាផ្ទៃ និង ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ និង លោក ឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ
មេត្តាចាត់មន្រ្តីក្រោមឱវាទចុះត្រួតពិនិត្យ ល្បែងបញ្ជាល់មាន់តាមអនឡាញ នៅក្នុងភូមិសាស្រ្តខាងលើនេះផងទាន ដេីម្បីបង្រឹងសន្តិសុខសង្គមជូនពលរដ្ឋក្នុងមូលដ្ឋានស្របនឹងគោលនយោបាយភូមិឃុំមានសុវត្ថិភាពទាំង 7 ចំណុចរបស់ក្រសួងមហាផ្ទៃដែលបានដាក់ចេញ។(សូមអរគុណ)