(ខេត្ដព្រៃវែង) ៖ពលរដ្ឋល្អ ដែលរស់នៅក្បែរទីតាំងល្បែងស៊ីសងជល់មាន់តាមអនឡាញ បានរាយការណ៍មកប្រាប់ឲ្យភ្នាក់ងារសារព័ត៌មានយើងឲ្យដឹងថា មានទីតាំងល្បែងស៊ីសងជល់មាន់តាមអនឡាញ នៅឃុំស្មោងជើង ស្រុកកំចាយមារ ខេត្ដព្រៃវែង ជាច្រើនកន្លែង បានលួចបើកលេង ជារៀងរាល់ថ្ងៃអាជ្ញាធរនិងសមត្ថកិច្ចពាក់ព័ន្ធមិនបង្ក្រាបឡើយ។

ពួកគាត់បានលើកឡើងថា ទំនងជាអាជ្ញាធរនិងសមត្ថកិច្ចពាក់ព័ន្ធនៅក្នុងស្រុកកំចាយមារ ភ្លេចគោលនយោបាយ ភូមិឃុំ សង្កាត់ មានសុវត្ថិភាពទាំង ៧ ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃទេដឹងទើបមិនបង្ក្រាបបែបនេះ។

ដូច្នេះជាចុងក្រោយពលរដ្ឋមានចំងល់ថា តើអាជ្ញាធរពាក់ព័ន្ធពិសេសសមត្ថកិច្ច អធិការស្រុកកំចាយមារមានវិធានការយ៉ាងណាចំពោះបនល្បែងខាងលើនេះ។

ជុំវិញករណីខាងលើនេះដែរអង្គភាពសារព័ត៌មានយើងមិនអាចសុំការបំភ្លឺពី លោក អធិការនគរបាលស្រុកកំចាយមារ បាននៅឡើយទេ ដោយទូរសព្ទខលចូលហើយគ្មានអ្នកទទួល ។

ទោះជាយ៉ាងណាក្ដីពលរដ្ឋរង់ចាំមើលថាចំពោះទីតាំងអនឡាញមាន់ជល់មួយនេះធ្លាប់ធ្វើកិច្ចសន្យារួចហើយ នៅតែលួចបើកលេងបន្តជារៀងរាល់ថ្ងៃតើអាជ្ញាធរនិងសមត្ថកិច្ចពាក់ព័ន្ធមានវិធានការបែបណា?

ជុំវិញករណីខាងលើនេះដែរអង្គភាពសារព័ត៌មានយើងនឹងរង់ចាំធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយពីអាជ្ញាធរនិងសមត្ថកិច្ចពាក់ព័ន្ធឬសមុីភាគីពាក់ព័ន្ធរៀងរម៉ោងធ្វើការ៕