ក្នុងឱកាសដ៏មហាជ័យមង្គលចម្រើនជន្មាយុគម្រប់ ៨២ ឈានចូល ៨៣ឆ្នាំ របស់ សម្ដេចធម្មវិសុទ្ធវង្សា សៅ ទី ហេង សំរិន ឧត្ដមភរិយា សម្ដេចអគ្គមហាពញាចក្រី ហេង សំរិន ប្រធានរដ្ឋសភានៃកម្ពុជា, ឯកឧត្តម ម៉ែន វិបុល អភិបាលខេត្តស្វាយរៀង និងលោកជំទាវ ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ និងប្រជាពលរដ្ឋក្នុងខេត្តស្វាយរៀងទាំងមូល សូមស​ម្ដែងនូវម​នោស​ញ្ចេតនា គារវភក្ដីយ៉ាងស្មោះស្ម័គ្រ និងសូមគោរពជូនពរ សម្ដេចធម្មវិសុទ្ធវង្សា សូមមានសុខភាពល្អបរិបូរណ៍ កម្លាំងពលំមាំមួន ប្រាជ្ញាភ្លឺថ្លា ជន្មាយុយឺនយូរ ឈ្នះអស់មារស​ត្រូវ​គ្រប់ទិសទី។

ក្នុងឱកាសដ៏ប្រពៃនេះ យើងខ្ញុំសូមបួងសួងដល់គុណបុណ្យព្រះរតន​ត្រ័យ កែវទាំងបី វត្ថុស័ក្តិសិទ្ធិទាំងឡាយក្នុង​លោក និ​ង​ទេវតាឆ្នាំថ្មី សូម​ព្រះអង្គតាមជួយបីបាច់​ថែរក្សាអភិបាល​ប្រោះព្រំសព្ទសាធុការពរជ័យជូន សម្ដេចធម្មវិសុទ្ធវង្សា និង សម្ដេចប្រធានរដ្ឋសភា ព្រមទាំងបុត្រា-បុត្រី ចៅប្រុស-ចៅស្រី សូមបានប្រកបដោយពុទ្ធពរទាំងបួន​ប្រការគឺ អាយុ វណ្ណៈ សុខៈ និងពលៈ កុំបី​ឃ្លៀងឃ្លាត​ឡើយ៕