ឯកឧត្តម ម៉ែន វិបុល អភិបាលខេត្តស្វាយរៀង អញ្ជើញជាអធិបតីក្នុងពិធីក្រុងពាលី និងបញ្ចុះបឋមសិលាកសាងអាគារប៉ុស្តិ៍នគរបាលរដ្ឋបាល អាគារមូលដ្ឋានអាវុធហត្ថ និងសាលាសង្កាត់បាវិត ខេត្តស្វាយរៀង
ខេត្តស្វាយរៀង ៖ ព្រឹកថ្ងៃសៅរ៍ ១៣កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៣ ខែកក្កដា ឆ្នាំ២០១៩ ឯកឧត្តម ឧត្តមសេនីយ៍ទោ កឹង ឃន ស្នងការនគរបាលខេត្ត បានចូលរួមក្នុងពិធីក្រុងពាលីសាងសង់អាគារប៉ុស្តិ៍រដ្ឋបាលនគរបាលសង្កាត់បាវិត ,អាគារមូលដ្ឋានកងរាជអាវុធហត្ថក្រុងបាវិត និងសាលាសង្កាត់ក្រុងបាវិត ក្រោមអធិបតីភាពដ៏ខ្ពង់ខ្ពស់ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង ដោយមានការចូករួមពីលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្ត លោកអភិបាល អភិបាលក្រុងបាវិត លោស្នងការរង មេវញ្ជាការរង ប្រធានមន្ទីរអង្គភាពនានាជុំវិញខេត្ត លោកនាយ នាយរងការិយាល័យជំនាញ ស្នងការនគរបាលខេត្ត លោកអធិការ អធិការរង នាយ នាយរងប៉ុស្តិ៍ ក្រុងបាវិត និងតំណាងក្រុមហ៊ុន កស៊ីណូមួយចំនួន ។
អាគារទាំង៣ខាងលើដែលបានរៀបចំពិធីក្រុងពាលីបុកគ្រឹះសាងសង់នៅព្រឹកនេះគឺជាសមិទ្ធផលថ្មីមួយទៀត ដែលរដ្ឋបាលខេត្តស្វាយរៀងសម្រេចបាន ស្របតាមទិសដៅអភិវឌ្ឍរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ដែលបម្រើអោយការងារការពារសន្តិសុខ សុវត្ថិភាព និងការផ្តល់សេវារដ្ឋបាលជូនប្រជាពលរដ្ឋ។
អាគារទាំងបីខាងលើកសាងនៅជាប់ផ្លូវជាត់លេខ១ ក្នុងភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង ។