សមត្ថកិច្ចបង្ក្រាបករណីលួចនាំចូលជ្រូកខុសច្បាប់បានចំនួន៥ក្បាលចូលតាមច្រករបៀងក្នុងភូមិសាស្ត្រឃុំបុសមនស្រុករំដួល
ស្វាយរៀង៖ កម្លាំងអធិការនគរបាលស្រុករំដួលបានសហការជាមួយកម្លាំងប៉ុស្តិការពារព្រំដែនថ្នាធ្នង់និងមន្ត្រីជំនាញពេទ្យសត្វកាលយប់ថ្ងៃទី២៨ខែមិថុនាឆ្នំ២០១៩ នៅចំណុចភូមិបុសផ្លាំង ឃុំបុសមន បានបង្ក្រាបករណីជួញដូរសត្វជ្រូកឆ្លងដែនខុសច្បាប់ពីប្រទេសវៀតណាម ឃាត់ខ្លួននុស្សបានចំនួន ០៣នាក់ ប្រុស ម៉ូតូ ០៣ គ្រឿង ដឹកជ្រូកចំនួន ០៥ក្បាល។
សមត្ថកិច្ចជំនាញបានឲ្យដឹងថាទោះបីបន្ត្រីជំនាញយើងបានចុះបង្ក្រាបនិងទប់ស្កាត់ការនាំចូលសាច់និងជ្រូករស់ជារៀងរាល់ថ្ងៃយ៉ាងណាក៏ដោយ នៅតែមានឈ្មួញខិលខូចឈ្លាតឱកាសលួចនាំចូលតាមច្រករបៀងនានាក្នុងខេត្តស្វាយរៀង។ ជាក់ស្តែងកាលពីយប់មិញនេះឈ្មួញបាននាំចូលសត្វជ្រូកចំនួន៥ក្បាលរួមនិងម៉ូតូ៣គ្រឿងដែលមានម្ចាស់ឈ្មោះ ឃួន សាត ហើយកម្លាំងជំនាញបានចាប់ឃាត់ និងកសាងសំណុំរឿងតាមនីតិវិធីច្បាប់ផងដែរ។
សូមបញ្ជាក់ថា ទាក់ទិននឹងករណីលួចនាំជ្រូកចូលនេះ លោកអភិបាលខេត្តស្វាយរៀង ធ្លាប់បានព្រមានមន្ត្រីដែលប្រចាំការនៅតាមច្រកព្រំដែនទាំងអស់ ឱ្យទប់ស្កាត់ឲ្យខាងតែបាន ហើយបើក្នុងការបង្ក្រាប ការនាំចូលសត្វជ្រូករស់ក៏ដូចជាសាច់ជ្រូក ឃើញថា ច្រកណាមួយហ៊ានអនុញ្ញាតឱ្យសត្វជ្រូកចូល ត្រូវតែសម្រេចចិត្តដកចោល ( វះកាត់) ព្រោះនេះគឺជាអភិក្រមទី៥ របស់ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន។
ក្រសួងកសិកម្ម កាលពីពេលកន្លងទៅបានចេញបំរាម ហាមនាំចូលជ្រូកពីវៀតណាម ដើម្បីទប់ស្កាត់ជំងឺប៉េស្តជ្រូកអាហ្វ្រិក និងជំរុញឲ្យមានការចិញ្ចឹមនៅក្នុងស្រុកផងដែរ៕