កិច្ចប្រជុំស្ដីពីកម្មវិធីសិក្សានៃការអនុវត្តតួនាទី ភារៈកិច្ច និងមុខងាររដ្ឋបាល នៅសាលាក្រុងកែប ខេត្តកែប
នៅព្រឹកថ្ងៃព្រហស្បតិ៍ ទី០៥ ខែវិច្ឆិកា ឆ្នាំ២០២០ ឯកឧត្តម អ៊ុក ថា អភិបាលរងខេត្តកែប និងជាតំណាងដ៏ខ្ពង់ខ្ពស់ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប និង ឯកឧត្តម សួស ប្រាថ្នា អគ្គនាយករងទទួលបន្ទុក ជាប្រធាននាយកដ្ឋានកិច្ចការដ្ឋបាលក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តម ប្រាក់ សំអឿន អគ្គនាយយក នៃអគ្គនាយកដ្ឋានរដ្ឋបាល បានអញ្ជើញជាអធិបតេយ្តដ៏ខ្ពង់ខ្ពស់ក្នុងកិច្ចប្រជុំស្ដីពីកម្មវិធីសិក្សានៃការអនុវត្តតួនាទី ភារៈកិច្ច និងមុខងាររដ្ឋបាល នៅសាលាក្រុងកែប ខេត្តកែប។
នៅឆ្នាំ២០២០ គោលការណ៍របស់រាជរដ្ឋាភិបាល ដែលបានដាក់ចេញនូវការកែទម្រង់ប្រព័ន្ធគ្រប់គ្រងរដ្ឋបាលសាធារណៈ នៅថ្នាក់ក្រោមជាតិ តាមគោលនយោបាយវិមជ្ឈការ និងវិសហមជ្ឈការ តាមរយៈការធ្វើសមាហរណកម្មបុគ្គលិក និងការរៀបចំតួនាទីភារកិច្ចមុខតំណែងគ្រប់គ្រងនៅក្នុងរចនាសម្ព័ន្ធថ្មីក្រុង ស្រុក។
គោលការណ៍នេះ សំដៅធានា ដល់ការផ្ទេរសិទ្ធិ អំណាច មុខងារ និងធនធានទៅឱ្យរដ្ឋបាលថ្នាក់ក្រោមជាតិ ដែលនៅកៀកជិតប្រជាពលរដ្ឋ ក្នុងការទទួលខុសត្រូវលេីការគ្រប់គ្រង ការចាត់ចែង និងការប្រើប្រាស់សិទ្ធិអំណាច និងធនធានទាំងនោះ សម្រាប់ការផ្តល់សេវា និងការអភិវឌ្ឍន៍នៅមូលដ្ឋានឆ្លើយតបទៅនឹងតម្រូវការរបស់ប្រជាពលរដ្ឋឲ្យបានកាន់តែប្រសើរឡើង និងប្រកបដោយប្រសិទ្ធភាពខ្ពស់។
