ឯកឧត្ដម តូច ប៉ូលីវ៉ា អភិបាលរងខេត្តស្វាយរៀង បានអញ្ជើញចូលរួមក្នុ​​ងពិ​​ធី​ក្រុងពាលី​ បញ្ចុះបឋមសិលា​សាងសង់ច្រាំងទន្លេ​វ៉ៃ​គោផ្នែក​ខាងត្បូងប្រវែង១៥៤ម៉ែត្រ តភ្ជាប់ពីខាងលិចធ្វើរួចរាល់ប្រវែង៩៧៥ម៉ែត្រ(​ទំនប់​តា​ណេង​)ក្រោមអធិបតីភាព ឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្តម ម៉ែន វិបុល ​អភិបាលខេត្ត​ស្វាយរៀង ស្ថិតនៅ​ភូមិ​ មេភ្លើង សង្កាត់​ស្វាយរៀង ក្រុង​ស្វាយរៀង ។​

នៅក្នុង​ពិធី​នេះ​ក៏មាន​ការអញ្ជើញ​ចូលរួម​ផងដែរ​ពី​សំណាក់​ឯកឧត្តម លោកជំទាវ អភិបាលរងខេត្ត ឯកឧត្តម លោកជំទាវសមាជិក​ក្រុមប្រឹក្សា​ខេត្ត លោក លោកស្រី​នាយក នាយករង​រដ្ឋបាល​សាលាខេត្ត លោកប្រធាន​មន្ទីរ​-​អង្គភាព នានាក្នុងខេត្ត លោកនាយកទីចាត់ការ/អង្គភាពចំណុះសាលាខេត្ត តំណាង​កងកម្លាំងទាំង៣ លោក​អភិបាលក្រុង​ស្វាយរៀង និង​មន្ត្រី​ពាក់ព័ន្ធ ជា​ច្រើ​នរូ​​ប​ទៀត​។