ក្រសួងសង្គមកិច្ច និងសមាគមអតីតយុទ្ធជនកម្ពុជាប្រារព្ធខួបអនុស្សាវរីយ៍លើកទី១២ ទិវាអតីតយុទ្ធជនកម្ពុជា២១មិថុនា
ភ្នំពេញ ៖ នៅព្រឹកថ្ងៃអង្គារ ១រោច ខែពិសាខ ឆ្នាំកុរ ឯកស័ក . ២៥៦៣ ត្រូវនឹងថ្ងៃទី១៨ ខែមិថុនា ឆ្នាំ២០១៩ នាក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយសមាគមអតីតយុទ្ធជនកម្ពុជារៀបចំពិធី អរសាទរខួបលើកទី១២ទិវាអតីតយុទ្ធជន ២១មិថុនា ក្រោមវត្តមានលោកឧបនាយករដ្ឋមន្ត្រី កែ គឹមយ៉ាន និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ។
ពិធីនេះក៏មានមានការអញ្ជើញពីបងប្អូនអតីតយុទ្ធជនចូលរួមជាច្រើនកុះករ នៅសាលមហាស្រពនៃមណ្ឌលសន្តិបាត កោះពេជ្រ។
ដោយផ្តោតលើការយកចិត្តទុកដាក់ចំពោះអតីតយុទ្ធជន , អភិវឌ្ឍអតីតយុទ្ធជន ដើម្បីអភិវឌ្ឍប្រទេសជាតិ និងការពារមាតុភូមិ។ រៀនសូត្រតាមគំរូអតីតយុទ្ធជនកម្ពុជា និងចងចាំជានិច្ចចំពោះពលីកម្ម និងគុណបំណាច់ដ៏ថ្លៃថ្លារបស់អតីតយុទ្ធជន៕
