លោកស្វាយ សំអ៊ាងលោកឡោ សុខា អសមត្ថភាពក្នុងការបង្ក្រាបបទល្មើសព្រៃឈើតាមច្រកដាក់ដាំឬចាញ់អំណាចដុល្លា?
ខេត្តមណ្ឌលគិរី៖ បទល្មើសព្រៃឈើចាប់ផ្តើមកក្រើកឡើងវិញបន្ទាប់ពីមានការបង្ក្រាបដោយគណកម្មការជាតិ មួយរយៈពេលខ្លីនៅទឹកដីខេត្តមណ្ឌលគិរីដែលគ្រប់គ្រងដោយលោកស្វាយ សំអ៊ាងចៅហ្វាយខេត្តនិងលោក ឡោ សុខាដែលជាស្នងការ ហាក់ដូចជាមើលមិនឃើញ។
ប្រភពពីមន្រ្តីខេត្ត បានបង្ហើបប្រាប់ឲ្យ ដឹងថា លោក ស្វាយ សំអ៊ាងអភិបាលខេត្តនឹងលោកឡោ សុខាស្នងការ ទំនងទទួលកញ្ចប់ពីឈ្មួញប្រព្រឹត្តបទល្មើសព្រៃឈើរួចហើយ បានជាសកម្មភាពនៃការដឹកជញ្ជូនឈើប្រណិតតាមរថយន្តឡង់គ្រីស័រ និងរថយន្តសាមយ៉ុង ជាច្រើនគ្រឿងសម្រុកដឹកជញ្ជូនចេញពីស្រុកកោះញែកនិងស្រុកអូរាំងឆ្លងដែនទៅប្រទេសវៀតណាមបានយ៉ាង គគ្រឹកគគ្រេងតាមច្រកដាក់ដាំដោយមិនមានការបង្រ្កាប។
ប្រជាសហគម៍ការពារព្រៃឈើស្រុកអូរាំងបានលើកឡើងថាជាក់ស្តែង រថយន្តឡង់គ្រីស័រ និងរថយន្តសាមយ៉ុងជាច្រើនគ្រឿងសម្រុកដឹកជញ្ជូនឆ្លងដែនទៅប្រទេសវៀតណាមបានយ៉ាងរលូនតាមច្រកដាក់ដាំ ដោយគ្មានកាបង្ក្រាបទប់ស្កាត់ពីសំណាក់មន្ត្រីជំនាញពាក់ពន្ឋ័នោះឡើយ ។ ការចរាចរណ៌ ឈើត្រូវបានធ្វើឡើងទាំងយប់ទាំងថ្ងៃ គឺបានរត់ឆ្លងកាត់តាមកណ្តាលខេត្តក្រុងសែនមនោរម្យ យ៉ាងពេញទំហឹង។
សមត្ថកិច្ចក្នុងខេត្តបានឲ្យដឹងទៀតថា សកម្មភាពដឹកជញ្ជូនឈើតាមច្រកខាងលើ គឺភាគច្រើនក្រុមឈ្មួញជា ឧកញ៉ា មន្រ្តីកងកម្លាំងសមត្ថកិច្ចធំៗ ដោយមិនហ៊ានបញ្ចេញឈ្មោះនោះឡើយ តែគេប្រើមនុស្ស ម្នាក់ ជាអ្នកមើលការខុសត្រូវតាមក្បួនរថយន្ត និងរត់ការជួបសមត្ថកិច្ចពាក់ពន្ឋ័ នានា។
ពាក់ពន្ឋ័ការដឹកជញ្ជូនឈើឆ្លងដែនខុសច្បាប់ ខាងលើច្បាស់ណាស់គឺ លោក ស្វាយ សំអ៊ាង នឹងលោក ឡោ សុខា ស្នងការខេត្តមណ្ឌលគិរី ទើបមានការនាំចេញលក់នៅវៀតណាម តាមច្រកទាំងនោះយ៉ាងរលូន ដោយមិនខ្វល់ពីបទបញ្ជា( សម្តេច ហ៊ុន សែន) ប្រកាសឲ្យបង្រ្កាបបទល្មើសព្រៃឈើនាពេលកន្លងទៅ។
ប្រជាពលរដ្ឋក្នុងខេត្តទាំងមូល ដែលជាម្ចាស់ឆ្នោត ទទូចសូមឲ្យ (សម្តេចតេជោ ហ៊ុន សែន) ជួយមើលអភិបាលខេត្ត ស្វាយ សំអ៊ាង លោក ឡោ សុខាស្នងការខេត្តមណ្ឌលគិរី ដែលកំពង់ឃុបឃិតជាមួយឈ្មួញ បំផ្លាញ់សម្បត្តិធម្មជាតិព្រៃឈើ ។បើសម្តេច មិនទប់ស្កាត់ទាន់ពេលវេលានោះទេ ព្រៃឈើនៅប៉ែកភាគ ឦសាន្តប្រាកដជារលាយហិនហោច ដោយសារស្នាដៃឈ្មួញនឹងមន្រ្តីក្នុងខេត្ត ទាំងអស់នោះជាក់ជាមិនខាន៕
