លោកវរសេនីយ៍ឯក សោម សុភ័ណ្ឌ អធិការ នគរបាលស្រុកស្វាយជ្រំ បានអមដំណើរ លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដឹកនាំប្រតិភូ នៃស្នងការដ្ឋាននគរបាលខេត្តស្វាយរៀង ចុះសួរសុខទុក្ខ និងនាំយកអំណោយ(ស្បៀង)ចែកជូនកងកម្លាំងនគរបាលការពារព្រំដែន នៅគណៈបញ្ជាការនគរបាលជាតិប្រចាំទិសភូមិភាគទី៤ ខេត្តព្រះវិហារ!!!
ព្រះវិហារ៖ ថ្ងៃសុក្រ ០១រោច ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១១ ខែកក្កដា ឆ្នាំ២០២៥ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានអមដំណើរ លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដឹកនាំប្រតិភូ នៃស្នងការដ្ឋាននគរបាលខេត្តស្វាយរៀង ចុះសួរសុខទុក្ខ និងនាំយកអំណោយ(ស្បៀង)ចែកជូនកងកម្លាំងនគរបាលការពារព្រំដែន នៅគណៈបញ្ជាការនគរបាលជាតិប្រចាំទិសភូមិភាគទី៤ ដែលកំពុងឈរជើងនៅក្នុងភូមិសាស្ត្រខេត្តព្រះវិហារ។
លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដឹកនាំប្រតិភូ នៃស្នងការដ្ឋាននគរបាលខេត្តស្វាយរៀងការចុះសួរសុខទុក្ខនេះ មានក្រុមសម្ព័ន្ធមេត្រីភាពជាមួយគណៈបញ្ជាការនគរបាលជាតិប្រចាំទិសភូមិភាគទី៤ មានស្នងការដ្ឋាននគរបាលខេត្តកណ្តាល ស្នងការដ្ឋាននគរបាលខេត្តព្រៃវែង ស្នងការដ្ឋាននគរបាលខេត្តត្បូងឃ្មុំ ស្នងការដ្ឋាននគរបាលខេត្តស្វាយរៀង ស្នងការដ្ឋាននគរបាលខេត្តក្រចេះ និងស្នងការដ្ឋាននគរបាលខេត្តកំពង់ឆ្នាំង គឺជាការបង្ហាញឱ្យឃើញពីការគាំទ្រលើកទឹកចិត្តដល់កងកម្លាំង ដែលឈរជេីងទាំងថ្ងៃ ទាំងយប់ ដេីម្បីការពារជាតិមាតុភូមិរបស់យេីង។
ក្នុងឱកាសនោះដែរ លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដឹកនាំប្រតិភូ នៃស្នងការដ្ឋាននគរបាលខេត្តស្វាយរៀងបាននាំយកគ្រឿងឧបភោគ និងសម្ភារៈប្រើប្រាស់មួយចំនួន រួមមាន៖ អង្រឹង(មានមុង) ៣០០អង្រឹង,អាវភ្លៀង ៣០០អាវ,ក្រម៉ា ៣០០ក្រម៉ា,ថ្នាំពេទ្យ (ថ្នាំផ្តាសសាយ,ថ្នាំក្អក,ថ្នាំក្រពះ,ថ្នាំបញ្ចុះកម្ដៅ,ថ្នាំរាគ) ១០០,០០០គ្រាប់,អង្ករ ០៦តោន,ពងទាប្រៃ ៦,០០០គ្រាប់,ត្រីងៀត ៣០០គីឡូក្រាម,ប្រហុកសាច់ ២០០គីឡូក្រាម,ផ្អកត្រី ៣០០គីឡូក្រាម,សាច់ក្រក ២០០គីឡូក្រាម,សៀង ៣០០គីឡូក្រាម,ទឹកបរិសុទ្ធ ៥០០កេះ និងថវិកា ២០,០០០,០០០រៀល។
