សកម្មភាពការងាររបស់ខណ្ឌរដ្ឋបាលជលផលកំពង់ឆ្នាំង សហការជាមួយអាជ្ញាធរ ចុះបង្ក្រាបបទល្មើសជលផលស្ថិតនៅ ក្នុងភូមិសាស្ត្រ ភូមិភ្លង ឃុំ ពាមឆ្កោក ស្រុកជលគិរី និង ឃុំប្រឡាយមាស និង ឃុំផ្លូវទូកស្រុកកំពង់លែង
ខេត្តកំពង់ឆ្នាំង ៖ នាថ្ងៃច័ន្ទ ៨រោច ខែ មិគសិរ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែធ្នូ ឆ្នាំ២០២៤ ខណ្ឌរដ្ឋបាលជលផលកំពង់ឆ្នាំង បានអនុវត្តនូវវិធានការល្បាត និងបង្ក្រាបបទល្មើសនេសាទ រួមមាន ផ្នែករដ្ឋបាលជលផលកំពង់ប្រាសាទ ដឹកនាំដោយ លោក នួន ឬទ្ធី នាយផ្នែករដ្ឋបាលជលផលកំពុងប្រាសាទ និងសង្កាត់រដ្ឋបាលជលផលជលជលគិរី សហការជាមួយអាជ្ញាធរឃុំពាមឆ្កោក សហគមន៍នេសាទភូមិកោះធំ , ភូមិ ថ្មី , ភូមិ ភ្លងសែនជ័យ, អន្លង់មេត្រីសែនជ័យ ,ភូមិកៀនតាម៉ា កម្លាំងចូលរួមសរុប ចំនួន ១៤ នាក់ និងមធ្យោបាយធ្វើដំណើរ ម៉ូតូ ៦ គ្រឿង និង រឹម៉ក់ចំនួន០១ គ្រឿង បានចុះបង្ក្រាបបទល្មើសជលផលស្ថិតនៅ ក្នុងភូមិសាស្ត្រ ភូមិភ្លង ឃុំ ពាមឆ្កោក ស្រុកជលគិរី ខេត្តកំពង់ឆ្នាំង បានប្រទះឃើញការធ្វើនេសាទ ប្រើដោយឧបករណ៍ លូរួមផ្សំបាំងស្បៃមុង នៅចំណុច ព្រែកភ្លង។
ក្នុងកិច្ចសហប្រតិបត្តិការនោះ សមត្ថកិច្ចយើងបានឯកភាពគ្នាធ្វើការរុះរើនិងបំផ្លាញចោលឧបករណ៍នេសាទខុសច្បាប់នៅហ្នឹងកន្លែង ។
ដោយឡែក កម្លាំងផ្សេងទៀត ដឹកនាំដោយ លោក អ៊ូ សុភ័ណ នាយរងខណ្ឌ សហការជាមួយគណៈបញ្ជាការរដ្ឋបាល ស្រុកកំពង់លែង កំលាំង១៩ នាក់ និងមធ្យោបាយ ៤ គ្រឿង បានចុះប្រតិបត្តិការចាប់ពីចុងព្រែកក្រម៉ាល ទៅដល់ចុងព្រែក ឃុំប្រឡាយមាស និង ឃុំផ្លូវទូក ស្រុកកំពង់លែង ខេត្តកំពង់ឆ្នាំង។
ក្រុមការងារបានឯកភាពគ្នាចុះរុះរើកាត់តំរិមរបាំងសាច់អួនដែលដាក់វែងៗខុសនិងច្បាប់ស្តីពីជលផល បំផ្លាញ់ចោលវត្ថុតាងនៅនិងកន្លែង។
ជាលទ្ធផល មន្ត្រីជលផល សម្រេចបានដូចខាងក្រោម ៖
-ធ្វើការបង្ក្រាបរបាំងសាច់អួនចំនួន០១ករណី ស្មើនឹង ៥កន្លែង ប្រវែង៧៥០បង្គោល៤០០ដើម លបលូ ៨មាត់ និងចាក់លែងត្រីចម្រុះចូលដែននេសាទវិញ ៥០គីឡូក្រាម
-របាំងស្បៃមុងចំនួន ០១ករណី ស្មើនឹង ៦ កន្លែង ប្រវែង ៣០០ម លូស្បៃមុងចំនួន ៦ គ្រឿង បង្គោលចំនួន ១០០ ដើម និងចាក់លែងត្រីចំរុះចូលដែននេសាទវិញចំនួន ២០ គីឡូក្រាម ៕
