ឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្តម ម៉ែន វិបុល អភិបាលខេត្តស្វាយរៀង បានអញ្ជើញចូលរួមក្នុងពិធីសម្ពោធក្រុមហ៊ុន សូយ៉ាង ដេខ័រេធីវ ឡៃធីង (SO YANG Decorative Lighting (Cambodia) Co.Ltd) តំបន់សេដ្ឋកិច្ចពិសេស ហ្គីហ្គារីសស៍ (GIGA Resources SEZ)
នៅព្រឹកថ្ងៃសៅរ៍៣រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៤ ខែ ខែធ្នូ ឆ្នាំ២០១៩នេះ ឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្តម ម៉ែន វិបុល អភិបាលខេត្តស្វាយរៀង បានអញ្ជើញចូលរួមក្នុងពិធីសម្ពោធក្រុមហ៊ុន សូយ៉ាង ដេខ័រេធីវ ឡៃធីង (SO YANG Decorative Lighting (Cambodia) Co.Ltd) តំបន់សេដ្ឋកិច្ចពិសេស ហ្គីហ្គារីសស៍ (GIGA Resources SEZ) ស្ថិតក្នុងភូមិដើមពោធិ៍ ឃុំកណ្តៀងរាយ ស្រុកស្វាយទាប ខេត្តស្វាយរៀងក្រោមអធិបតីភាពលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រីរដ្ឋមន្ដ្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។
អញ្ជើញចូលរួមក្នុងពិធីនេះមាន ឯកឧត្តម លោកជំទាវ អភិបាលរងខេត្ត ឯកឧត្តម លោកជំទាវ សមាជិករដ្ឋសភា-ព្រឹទ្ធសភា លោក លី វ៉ា មីង (Lee Hwa Ming) អគ្គនាយកក្រុមហ៊ុនសូយ៉ាង ដេខ័រេធីវ ឡៃធីង លោកប្រធានមន្ទីរ-អង្គភាពនានា តំណាងកងកម្លាំងទាំង៣ ព្រមទាំងមន្ត្រីរាជការកម្មករកម្មការិនីជាច្រើននាក់ផងដែរ។
មានប្រសាន៍ទៅកាន់ពិធីនេះលោកឧបនាយករដ្ឋមន្ដ្រីបានថ្លែងថារាជរដ្ឋាភិបាលកម្ពុជា តាមរយៈយុទ្ធសាស្ដ្រ ចតុ កោណ ដំ ណាក់ កាល ទី៤ ដើម្បី កំណើន ការងារ សមធម៌ និង ប្រសិទ្ធភាពនៅកម្ពុជា បានចាត់ទុកវិស័យ ឯកជនជាក្បាលម៉ាស៊ីន នៃការ អភិវឌ្ឍន៍ និងបានបង្កលក្ខណៈងាយស្រួល និង ជម្រុញ វិស័យឯកជន ឲ្យលូតលាស់ ដើម្បីរួមចំណែក អភិវឌ្ឍសេដ្ឋកិច្ចសង្គម។
លោកជំទាវបន្តថា ក្រុមហ៊ុនដ៏ធំនេះ បានបង្កើតឡើងលើផ្ទៃដីដល់ទៅ ១១.៥ ហិកតា មានជំនាញខាងផលិតអំពូលភ្លើងលំអ ដើម្បីនាំចេញទៅលក់នៅក្រៅប្រទេស។ នេះពិតជាសមិទ្ធផល និងមោទនភាព របស់ខេត្តស្វាយរៀង យើងដែល ក្លាយជា មូលដ្ឋានឧស្សាហកម្មមួយ ជាមួយ នឹងទុនវិនិយោគជាច្រើន គម្រោងនេះ ពិតជាផ្តល់ការងារដល់ពលករ ក្នុងស្រុក ផ្តល់ចំណូល ជាពន្ធដារនានា រួមចំណែក អភិវឌ្ឍ ព្រះរា ជាណាចក្រកម្ពុជា ជាពិសេសខេត្តស្វាយរៀង ឱ្យកាន់តែជឿនលឿន ថែមទៀត។ នេះក៏ការ ឆ្លុះបញ្ចាំង នូវជំនឿជឿជាក់ ពីអ្នកវិនិយោគបរទេស លើព្រះរាជាណាចក្រកម្ពុជា ដែលមានសុខសន្តិភាពពេញលេញ ស្ថិរភាពនយោបាយ រឹងមាំ និងការអភិវឌ្ឍន៍លើគ្រប់វិស័យ យ៉ាងឆាប់រហ័ស។
ទន្ទឹមនេះ ក្នុងរយៈ ពេលប្រហែល២០ ឆ្នាំ ចុងក្រោយ នេះ ប្រទេសកម្ពុជាមាន កំណើន សេដ្ឋកិច្ច ជាមធ្យមប្រមាណ ៧% ដែលនាំឲ្យចំណូលរបស់ ប្រជាជន យើង មាន ការកើន ឡើង និងមានជីវភាពកាន់តែធូធារផងដែរ ។ ដោយឡែក វិស័យ ឧស្សាហកម្ម ក៏កំពុងរីកចំរើនយ៉ាងខ្លាំង ដោយសារយើងមានគោលនយោបាយលើកទឹកចិត្តអ្នកវិនិយោគ និងមាន ប្រព័ន្ធ ហេដ្ឋារចនា សម្ព័ន្ធផ្លូវថ្នល់ ផ្លូវដែក ផ្លូវអាកាស ស្ពានអ្នកលឿង ផ្លូវទឹក ដែលត្រូវបានស្ដារឡើងវិញឲ្យ កាន់តែទំនើប និងជាប់ ប្រទាក់ ក្រឡា គ្នានៅពាសពេញប្រទេស ធ្វើឲ្យការធ្វើដំណើរ និង ដឹកជញ្ជូនកាន់ តែងាយស្រួល ព្រោះ ខេត្តស្វាយរៀង គឺជាច្រកទ្វារទិសបូព៌ា នៃ ប្រទេស កម្ពុជាដែលភ្ជាប់កម្ពុជា ទៅពិភពលោក តាមរយៈ ប្រទេសវៀតណាម ។ ដូច្នេះ ខេត្តនេះ មានសក្តានុពលភាព ផ្នែកឧស្សាហកម្ម និង ទីតាំងយុទ្ធសាស្ត្រដ៏ល្អ។
លោកជំទាវ ម៉ែន សំអន បានស្នើដល់ក្រុមហ៊ុន សូមធ្វើប្រតិបត្តិការអាជីវកម្ម ដោយគោរពតាមច្បាប់ និងលិខិតបទដ្ឋាន ជាធរមាន របស់ព្រះរាជាណាចក្រកម្ពុជាម្យ៉ាងទៀត ក្រុមហ៊ុនត្រូវផលិត និងផ្តល់សេវាប្រកប ដោយ គុណភាព និងតម្លៃសមរម្យ ដែលអាចទទួលយកបាន ដោយគិតពីផលប្រយោជន៍ និងកេរ្ថិ៍ឈ្មោះ យូរអង្វែង។ ហើយការអភិវឌ្ឍន៍វិស័យឧស្សាហកម្ម មិនអាចធ្វើឡើងតែឯកឯង បានទេ ពោល គឺត្រូវអភិវឌ្ឍជា អន្តរវិស័យរួមគ្នាជាច្រើន ដូចជា ប្រព័ន្ធផ្លូវ ទូរគមនាគមន៍អគ្គិសនី ទឹកស្អាត សួនច្បារ ទីកំសាន្ត សាធារណៈ និងត្រូវ ធានា ឲ្យបាននូវសន្ដិសុខ និងសណ្តាប់ ធ្នាប់។ល។
លោកជំទាវក៏បានផ្តាំផ្ញើរដល់អាជ្ញាធរខេត្តស្វាយរៀង ត្រូវធានាសន្តិសុខ សណ្តាប់ធ្នាប់ ត្រូវផ្តល់កិច្ចសហការល្អ បង្ករលក្ខណៈងាយស្រួល និងជួយសម្រួលដល់អ្នកវនិយោគគិនគ្រប់បែបយ៉ាង ដែលមានបំណងមកបណ្តាក់ទុនវិនិយោគនៅខេត្តស្វាយរៀង ស្របតាមអានុសាសន៍របស់សម្តេចតេជោ ហ៊ុន សែន ក្នុងការរក្សាចាស់ និងការបង្កើនអ្នកវិនិយោគថ្មី៕
