លោកមេឃុំជ្រុងពពេល បានណែនាំដល់មន្ដ្រីពាន់ព័ន្ធក្រោមឱវាទ បន្តពង្រឹង និងបង្ក្រើតការយកចិត្តទុកដាក់បន្ថែមទៀតលើការងារ
ឃុំជ្រុងពពេល ៖ លោក សំរឿជាមេឃុំជ្រុងពពេលបានណែនាំដល់មន្ត្រីពាក់ព័ន្ធក្រោមឱវាទ បន្តពង្រឹង និងបង្កើនការយកចិត្តទុកដាក់បន្ថែមទៀតលើការងារបង្កា បង្ក្រាប ទប់ស្កាត់បទល្មើសព្រហ្មទណ្ឌគ្រប់ប្រភេទ បទល្មើសគ្រឿងញៀន ល្បែងស៊ីសងគ្រប់ប្រភេទ គ្រប់រូបភាពនៃអំពើជួញដូរមនុស្ស និងការទទួលពាក្យបណ្ដឹង សំណើរ សំណូមពរសុំកិច្ចអន្តរាគមន៍បន្ទាន់ផ្សេងៗពីប្រជាពលរដ្ឋ…
នៅព្រឹកថ្ងៃពុធ 6កើត ខែភទ្របទ ឆ្នាំកុរ ឯកស័ក ពុទ្ធស័ករាជ២៥៦៣ ត្រូវនឹងថ្ងៃទី04 ខែកញ្ញា ឆ្នាំ២០១៩ សាលាឃុំជ្រុងពពេល បានបើកកិច្ចប្រជុំគណៈបញ្ជាការឯកភាពរដ្ឋបាលឃុំ ប្រចាំខែកញ្ញា ឆ្នាំ២០១៩ ក្រោមអធិបតីភាព លោក មេឃុំជ្រុងពពេល ដោយមានការអញ្ជើញចូលរួមពី លោក នាយនគរបាលប៉ុស្តិ៍រដ្ឋបាលឃុំជ្រុងពពេលនឹងប្រជាកាពារភូមិគ្រប់គោលដៅទាំងអស់។
ជាលទ្ធផល នៃកិច្ចប្រជុំខាងលើនេះ លោក សំរឿជាប្រធានអង្គប្រជុំបានធ្វើការណែនាំ និងដាក់ផែនការអនុវត្ត លើការងារសំខាន់ៗមួយចំនួន រួមមាន៖
-បន្តពង្រឹង និងបង្កើនការយកចិត្តទុកដាក់លើការងារបង្កា បង្ក្រាប ទប់ស្កាត់បទល្មើសព្រហ្មទណ្ឌគ្រប់ប្រភេទ
-បន្តតាមដាន កំណត់មុខសញ្ញា និងបង្ក្រាបបទល្មើសគ្រឿងញៀន
-បង្ក្រាបឲ្យបានគ្រប់រូបភាពនៃអំពើជួញដូរមនុស្ស អំពើជួញដូរផ្លូវភេទ
-ការទទួលពាក្យបណ្ដឹង សំណើរ សំណូមពរសុំកិច្ចអន្តរាគមន៍បន្ទាន់ផ្សេងៗពីប្រជាពលរដ្ឋគ្រប់មជ្ឈដ្ឋាន នៅក្នុងមូលដ្ឋាន
-ការងាររៀបចំសណ្តាប់ធ្នាប់របៀបរៀបរយសាធារណៈ អនាម័យតាមដងផ្លូវនឹងរក្សាការពារទ្រពសប្បាត្តិរបស់ប្រជាពលរដ្ធដូចជាកង់ម៉ូតូឡាននៅក្នុងវត្តអារ៉ាមក្នុងកម្មវិធីបុណ្ណភ្ជុំបិណ្ណនេះ
-និងបញ្ហាផ្សេងៗមួយចំនួនទៀត ។
គូសបញ្ជាក់ជូនផងដែរថា៖ កន្លងមករដ្ឋបាលឃុំជ្រុងពពេលបានទទួលជោគជ័យស្ទើរគ្រប់ករណីបង្ក្រាបបទល្មើស ដូចជា ករណីលួច ឆក់ ប្លន់ បទល្មើសគ្រឿងញៀន ការបង្ក្រាបល្បែងស៊ីសងគ្រប់ប្រភេទ តាមរយៈវិធានការជាក់ស្តែង ក៏ដូចជាវិធានការរបស់កម្លាំងជំនាញផងដែរ ៕