បើកវគ្គបណ្ដុះបណ្ដាលវិធីសាស្ត្រ សរសេរព័ត៌មានបែបស៊ើបអង្កេត
(ហូជីមិញ): ថ្ងៃទី១៩ ខែសីហា ឆ្នាំ២០១៩ វគ្គបណ្ដុះបណ្ដាលវិធីសាស្ត្រ សរសេរព័ត៌មានបែបស៊ើបអង្កេត ក្រោមអធិបតីភាពឯកឧត្តម ជ្រីម ឆេងលីម ទីប្រឹក្សា និងជាអគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួងព័ត៌មានកម្ពុជា និង ឯកឧត្តម Luu Dinh Phuc (លីវ ឌិញហ្វ៊ូក) អគ្គនាយក នៃអគ្គនាយកដ្ឋានសារព័ត៌មាន នៃក្រសួងព័ត៌មាន និងទូរគមនាគមវៀតណាម ព្រមទាំងលោក Tu Luong (តឺ លឿង) អនុប្រធានមន្ទីរព័ត៌មានទីក្រុងហូជីម៉ិញ និងលោកគ្រូ អ្នកគ្រូបង្គោល២រូប និងសិក្ខាកាមកម្ពុជាជាច្រើនរូបទៀត នៅសណ្ឋាគារ Rang Dong ទីក្រុងហូជីមិញ ប្រទេសវៀតណាម ។
ឯកឧត្តម លីវ ឌិញហ្វ៊ូក(Luu Dinh Phuc) អគ្គនាយក នៃអគ្គនាយកដ្ឋានសារព័ត៌មាន នៃក្រសួងព័ត៌មាន និងទូរគមនាគមវៀតណាម បានលើកឡើងថា: វគ្គបណ្ដុះបណ្ដាលនាថ្ងៃនេះ ធ្វើឡើងក្នុងគោលបំណង ពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ ជាពិសេសបានផ្លាស់ប្តូរនូវបទពិសោធន៍នៃការសរសេរព័ត៌មានរបស់អ្នកសារព័ត៌មានកម្ពុជា និងវៀតណាម ។ ម្យ៉ាងទៀតវាជាការ ចូលរួមផ្លាស់ប្តូរយោបល់បទពិសោធន៍នៃការសរសេរព័ត៌មាន និងចុះយកព័ត៌មាន របស់ក្រសួងព័ត៌មាននិងផ្សព្វផ្សាយវៀតណាម ឲ្យកាន់តែល្អបន្ថែមទៀត ។
ឯកឧត្តមក៏បានបន្តទៀតថា: វគ្គបណ្ដុះបណ្ដាលនេះ ធ្វើឡើងតាមរយៈក្រសួងព័ត៌មានកម្ពុជា និងក្រសួងព័ត៌មាននិងផ្សព្វផ្សាយវៀតណាម បានចុះអនុស្សរណៈជាមួយគ្នាតាំងពីឆ្នាំ២០១៦ ដល់ឆ្នាំ២០២០ ដើម្បីពង្រឹងជំនាញអ្នកសារព័ត៌មានកម្ពុជាឲ្យកាន់តែខ្លាំងដូចបណ្តាប្រទេសមួយចំនួនទៀតផងដែរ ។
ឯកឧត្តម ជ្រីម ឆេងលីម ទីប្រឹក្សា និងជាអគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួងព័ត៌មានកម្ពុជា បានថ្លែងឲ្យដឹងដែរថា: វគ្គបណ្ដុះបណ្ដាលនេះ នឹងអាចផ្ដល់ជាអត្ថប្រយោជន៍ថ្មីបន្ថែមមួយទៀត សម្រាប់បង្កើននូវចំណេះដឹងវិជ្ជាជីវៈសារព័ត៌មាន ក្នុងសម័យទំនើបជីឌីថល ពិសេសរបៀបនៃការសរសេរនូវអត្ថបទព័ត៌មានបែបស៊ើបអង្កេត ឲ្យកាន់តែប្រសើរឡើង ។ ក្រោយវគ្គបណ្ដុះបណ្ដាលនេះ អ្នកសារព័ត៌មានកម្ពុជា នឹងកាន់តែមានសមត្ថភាពក្នុងការសរសេរបែបស៊ើបអង្កេត និងរាយការណ៍ព័ត៌មាន ពីព្រឹត្តិការណ៍ផ្សេងៗឲ្យកាន់តែមានភាពល្អប្រសើរជាងមុន ដែលនឹងអាចឈានទៅបំរើបាននូវប្រយោជន៍ជាសាធារណៈដល់ប្រជាពលរដ្ឋផងដែរ ។
ឯកឧត្តម ជ្រីម ឆេងលីម បានបន្តថា: នៅពេលសិក្ខាកាមដែលបានចូលរួមក្នុងវគ្គបណ្តុះបណ្តាលបន្ថែមទៀតពាក់ព័ន្ធក្នុងការសរសេរបែបស៊ើបអង្កេតនៅពេលព្រឹត្តិការណ៍ភ្លាមៗ យើងមិនអាចដឹងឬយើងបានប្រភពគ្រប់ជ្រុងជ្រោយយើងបានឆ្លងកាត់វគ្គបំណននេះកុំឲ្យយើងមានការច្រឡំទៀតបញ្ហា
-ទី១ យើងមានប្រភពព័ត៌មានដើម្បីសរសេរព័ត៌មានឲ្យបានត្រឹមត្រូវមិនឲ្យប្រឈមមុខផ្លូវច្បាប់ថាយើងពាក់ព័ន្ធជាមួយនឹងបទបរិហារកេរ្តិ៍ចេះតែសរសេរមិនច្បាស់ទៅធ្វើឲ្យខូចឈ្មោះអ្នកដទៃបញ្ហា ។
-ទី២ ទៀតភាន់ច្រឡំការងារសម្ថតកិច្ចរបស់ប៉ូសីសជួនកាលវិធីសរសេរព័ត៌មានបែបស៊ើបអង្កេតព្រំដែនកំណត់អ្នកសរសេរព័ត៌មានដើម្បីយកចំណេះធ្វើជាគ្រូបង្គោលចែករំលែកនៅក្នុងស្ថាប័នរបសខ្លួន ៕