ប្រជុំផ្សព្វផ្សាយជូនប្រជាពលរដ្ឋនៅភូមិទួលសាលា អំពីលក្ខណៈសម្បត្តិទាំង ៩ យ៉ាងរបស់គោលនយោបាយភូមិ-ឃុំ មានសុវត្ថិភាព នៅភូមិទួលសាលា
នៅព្រឹកថ្ងៃទី១០.០៨.២០១៩ ប៉ុស្តិ៍នគរបាលរដ្ឋបាលជ្រុងពពេល បានប្រជុំផ្សព្វផ្សាយជូនប្រជាពលរដ្ឋនៅភូមិទួលសាលា អំពីលក្ខណៈសម្បត្តិទាំង ៩ យ៉ាងរបស់គោលនយោបាយភូមិ-ឃុំ មានសុវត្ថិភាព ជាពិសេសអំពីផលប៉ះពាល់នៃគ្រឿងញៀន ច្បាប់ចរាចរណ៍ផ្លូវគោក អំពើហិង្សាក្នុងគ្រួសារ ព្រមទាំងបានណែនាំដល់ប្រជាពលរដ្ឋត្រូវមានការប្រុងប្រយ័ត្នខ្ពស់ ក្នុងការថែរក្សាទ្រព្យសម្បត្តិ និងការទុកដាក់ម៉ូតូឱ្យបានត្រឹមត្រូវមានសុវត្ថិភាព ហើយនៅជិតខ្លួនបំផុតជាពិសេសពេលកំពុងបាចជីដាក់ស្រែចំការនៅរដូវវស្សា ។
ពិធីនេះដែរធ្វើឡើងក្រោមអធិបតីភាព លោក សំ រឿ មេឃុំជ្រុងពពេល ដោយមានការអញ្ជើញចូលរួមពី លោកអនុសេនីយ៍ទោ ហាស់ សារិទ្ធ នាយប៉ុស្តិ៍(ស្ដីទី) លោកអនុសេនីយ៍ទោ សៅ ភត្រា នាយរងប៉ុស្តិ៍ លោក នាង សារ៉េត អនុភូមិទួលសាលា សរុបវត្តមានចូលរួម ៣៧ នាក់ ស្រី ២៦ នាក់ ៕
